أقــــــوى من الــــحب

هذي قصة حب .. بس...

خالد انسان طموح وشاب مثقف ويدرس في الجامعه تخصص اقتصاد عمره 20

ندى شابه تعمل مدرسه وعمرها 22

بداية القصه

خالد انسان طموح وماعنده من امور الشباب الي مالها داعي مثل السهر والسفر
00000الخ
بصدفه احتاج وهو في الجامعه الا كتاب كان ناسيه في البيت وماجابه معه فأتصل
على صديقه محمد ولكن محمد مارد على اتصالاته فأرسل رساله من جواله
على النحو التالي
محمد اذا صحيت من النوم جب معك كتاب الاقتصاد الكلي لاني نسيته في البيت

وارسل المسج بعد فتره قابل محمد في الجامعه قال جبت الكتاب معك ولا لا قال محمد
اي كتاب قال خالد لاتستهبل انا اتصلت وارسلت لك مسج بعد محمد صار يحلف
ويقول والله ماجاني منك شي قال خالد لاتستهبل مو رقم جوالك 00000000
قال محمد لا انت غلطت في الرقم بدل الاثنين حطيت ثلاثه

خالد استحى مره وقال اجل مين الي ارسلت له الرساله شكله يضحك علي الحين
المهم بعد ماطلع خالد من الجامعه فكر يتصل على الشخص الي غلط في رقمه
ويعتذر منه اتصل ماحد رد
ارسل مسج وقال فيه اسف معليش اذا سببت الازعاج وانا كنت غلطان في رقمك

بعد ان رجع للبيت وصلى العشاء جاه اتصال من الرقم الي غلط فيه واول ماشاف
الرقم خالد رد وهو خجلان وبسرعه اسف على ازعاجك اخوي وانا والله غلطان
في الرقم جاوبته ضحكه انثويه
خالد قلبه ووجهه تقلبت احوالهم وجاوبه الصوت عادي اخوي انا كنت صاحيه
وشفت المسج ورقمك بس ماحبيت ارد على رقم ما اعرفه
اعتذر خالد مره ثانيه وانهى المكالمه

وطول ذاك اليوم ماقدر ينام وهويفكر في الموقف الي صار
صحى الصباح وراح للجامعه كا العاده وطول الوقت وهو في الجامعه يفكر في الموقف وباله ماهو مع المحاضرات جاه مسج وهو في الجامعه يقول
لاتصير نسيت احد كتبك في الببت اليوم
من نفس الرقم الي غلط فيه

ويرد بمسج لا الحمدلله

وصار هاذا موالهم لفتره طويله بعدين تجرا خالد واتصل على الرقم وتعرف على صاحبة الصوت وعرف باسمه انه خالد وعمره كذا صاحبة الصوت رد عليه وعرفت بنفسها وعمرها انصدم خالد انها اكبر منه في السن

واتعرفوا على بعض وخالد كان في اول سنينه في الجامعه وكانت ندى في اخر سنينها
في الكليه وتطورت العلاقه بشكل سريع وصارت اقوى واقوى
المهم خالد صارح ندى بحبه وانه يبغى يتزوجها اذا تخرج وحصل وظيفه وندى

قابلته بنفس الشعور وجد خالد على نفسه وحاول يختصر سنواته في الجامعه وياخذ
اترام صيفيه لكن المفاجه العنيفه له كانت في السنه الثالثه له في الجامعه

ندى حبيبته وزوجة المستقبل بالنسبه له كانت بنت من احلى بنات جيلها وفي نفس
الوقت جميله وبنت حسب ونسب يعني كل المواصفات فيها وكانوا الخطاب عليها

بشكل خيالي وكانت ترفض ندى في انتظار حبيبها انه يجي يخطبها
لكن ابو ندى مل من كثر ما البنت ترفض الخطاب وكثر الكلام عنها بين اهله وناسه
ندى مدرسه وحلوه وعمرها الحين 23 ليش ماتتزوج
والد ندى جاها يوم وقال اسمعي يابنتي الكلام كثر عنك وانتي رفضتي كثير من الخطاب وانا كنت معاك في ها الشي بس خلاص من اليوم ورايح هاذا اخر واحد
ترفضينه واول واحد راح يخطبك مني راح اوافق بدون مااخذ رايك

ندى انصدمت وحاولت تعترض بس الوالدها كان مصر على كلامه اتصلت ندى
في خالد وقالت له الموضوع خالد الصدمه اثرت فيه وكان مابقى عليه الا هاذا
الترم ويتخرج فكر خالد وفكر واخر شيء قرر انه يحذف الترم الاخير له في الجامعه
ويروح يدور على وظيفه علشان عيون حبيبته

تفاجوا كل الي يعرفون خالد بها التصرف وخاصتا ابوه وصارح ابوه بكل شي

وكان ابوه متفهم لموقف ولده وعلى طول حاول يبحث عن وظيفه لولده وبالفعل حصل
وظيفه وعلى طول جهز نفسه خالد انه يطلب يد ندى واتصل على حبيبته وهو مايصدق والدنيا مبتسمه في وجه وبشر ندى بها الخبر لكن كانت الصاعقه المدمره
له جاوبته ندى ببكاء حار خالد صار مايعرف هاذا بكاء حزن ولا فرح

وقالت له ندى بعد ان بكت لمدة نصف ساعه وهي ماترد على استفسارات خالد الا
ببكاء قالت خالد انا انخطبت وتملكت امس خالد انصدم واعتذر من ندى وقفل الخط

وراح في بكاء طويل وكان يشعر بالتحطم وخيبة الامل كل الي سواه ذهب ادراج الرياح وطول ذاك اليوم عينه ماذاقت النوم

اتصلت عليه ندى وقالت خالد انا مابغى الي خطبني انا ابغاك انت وتبكي وتنوح
وتقول له راح اخليه يطلقني من اول اسبوع راح ما اعطيه اي حقوق راح انكد
عيشته واخليه يطلقني مو مهم انت تتزوجني بعد مايطلقني المهم اني اكون معك

خالد مايقدر يرد قال ندى ممكن تخليني اقعد مع نفسي شوي واعتذر وقفل منها وصار يحكم عقله وفكر ايش يسوي استفسر عن الي خطب حبيبته وشاف مين
هو ووين يشتغل وكان الخاطب مهندس كبير وابن شخص غني واخلاقه عاليه واي
بنت تتمناه
اتصل خالد على حبيبته وطلب منها رقم اعز وحده من صديقاتها ولما استفسرت ندى
عن السبب قال انا ابغى استشيرها وبالفعل اتصل على البنت وكلمها وشرح لها

كل شي وقال انا ابغى انسحب من حياة ندى بس ابغى انتي تساعديني قالت البنت امرني انا اسوي اي شي علشان ندى قال لها انا وانتي راح نسوي تمثيليه ونلعب
على ندى سالت البنت كيف قال لها انا ابصيرارسلك يومين رسايل غرام وحب

لمدة عشر ايام وبعد العشر ايام ابيك تروحين لندى وقبل ماتروحين ابتصل عليك
وابطول في المكالمه وانا خلال ها الفتره راح اكون بارد وفاتر مع ندى واحسسها
اني ماني مهتم فيها وراح اقول عنك كلام حلو وش رايك قالت البنت اوكي

ومرت العشر ايام وكان خالد مسوي خطته بكل حذافيرها وحسة ندى ان خالد تغير
واخر يوم اتصلت عليه صديقة ندى وقالت انا الحين ابروح لندى قال اوكي اسمعيني

اذا رحتي وريها الرسايل وقولي خالد هاذا انسان مستهتر وكان يلعب عليك وشوفي
اول ماحس انك انتي بتتركينه على طول حاول يخونك مع اقرب الناس لك
وقولي حطي عقلك براسك شخص مستهتر انتي بغيتي تدمري حياتك ومستقبلك علشانه وقولي حتى شوفي اخر مكالمه من مين وكيف طول معي وانا كنت اسايره علشان اثبت لك انه نصاب وكذاب

البنت اقتنعت وحفظت دورها تمام التمام ومثلته بنجاح قدام ندى الي ماصدقت واتصلت على خالد وواجهته بالحقائق ورد خالد وهو يتقطع قلبه انه يكون الخاين
الغشاش في عين اغلى انسانه عرفها قلبه وقال انا اساسا انكشف ملعوبي
وكنت ابغى استخف فيك وسمعها كلام مافكر ولا في اسوى كوابيسه انه يقوله
لها وقفلت ندى وهي كلها حقد وكراهيه لها الانسان

ومرت الايام وتزوجت ندى وكانت في قمة السعاده مع زوجها

وخالد اه ياخالد المسكين حياته وحالته النفسيه من سيء الا اسوء واستمر
الا الان عازب وهو يبكي على اطلال حب قديم انتهى بكارثه

فضل سعادة حبيبته وهناها على سعادته وقدم اعظم تضحيه على حساب نفسه

.......